Bakýdegi qazaqstandyqtar saılaý protsesinde belsendi - komıssııa tóraǵasy

BAKÝ. QazAqparat – Bakýdegi saılaý ýchaskisi jergilikti ýaqytpen tańǵy 7-den bastap jumys istep jatyr, dep habarlaıdy QazAqparattyń Ázerbaıjandaǵy menshikti tilshisi.

Elshilik janynan ashylǵan nómiri 262 saılaý ýchaskisi otandastarymyzdy tańǵy 7-den qabyldap jatyr.

Munda saılaý protsessi jaqsy deńgeıde uıymdastyrylǵanyn baıqaýǵa bolady, saılaýshylardyń azamattyq ustanymyn bildirýge barlyq jaǵdaı jasalǵan.

Saılaý ýchaskesiniń jumysyn TMD parlamenttik assambleıasynyń ókilderi baqylaýda.

Konsýldyq bólimniń málimetine sáıkes saılaýǵa Ázerbaıjanda 140-tan astam turaqty jáne ýaqytsha turyp jatqan azamattar qatysýda. Solardyń ishinde saılaý ýchaskisine basqa qalalardan kelip jatqandar da bar.

Al resmı, jeke jáne týrıstik maqsatta júrgen azamattarǵa keletin bolsaq, olar da naýqanǵa beı jaı qaramaıtyndyǵyn kórsetip jatyr.

Jalpy Ázerbaıjandaǵy qazaqstandyqtar tarapynan saıası belsendilik, qyzyǵýshylyq baıqalady.

Saılaý komıssııasynyń tóraǵasy Jandos Nurmuhambetovtyń aıtaýynsha tańǵy ýaqyttan bastap saılaý qarqyndy ótýde.

«Konsýldyq esepte turǵan Qazaqstan azamattary jáne osy Baký qalasyna túrli sebeptermen, is-saparmen kelgen otandastyrymyzdyń osy saılaý ýchaskisine kelip daýsy berýlerine múmkinshiligi bar. Qazirgi tańda saılaý qarqanda ótýde, qandaı da bir buzýshylyq joq, saılaý zańnamasyna sáıkes barlyq talaptar ótelýde», - dedi Jandos Nurmuhambetov.

Saılaý ýchaskisinde daýys berý jergilikti ýaqyt boıynsha keshki 8-ge deıin jalǵasady. Azamattarǵa daýys berý úshin jeke basyn kýálandyratyn tól qujatty komıssııa múshesine kórsetýi kerek.

Avtor: Serikbol Qoshmaǵanbetov