Bakýde Túrkistannyń týrıstik áleýeti tanystyryldy
Ázerbaıjan astanasynda Túrkistan oblystyq týrızm basqarmasynyń «Turkistan Tourism Center» týrıstik aqparattyq ortalyǵy «Túrkistan oblysynyń kúnderi» týrıstik-tanymdyq is-sharasyn ótkizdi.
Shara barysynda Qazaqstan delegatsııa ókilderi Uly Jibek jolynda ózindik orny bar Túrkistan qalasyna oblys ortalyǵy dárejesin berý - qala ınfraqurylymynyń damýyna septigin tıgizgenin atap ótti. Qazirgi kúni qala ózine týrısterdi tartyp, týrıstik bıznes ókilderi men jeke ınvestorlardyń aımaqqa qyzyǵýshylyǵy artyp jatyr.
Sharaǵa týrıstik kompanııa, týrızm salasyndaǵy uıymdar, týrıstik assotsıatsııa, Bakýdegi ulttyq mádenı qor men memlekettik mekeme ókilderi qatysty.
Sharanyń maqsaty - biryńǵaı týrıstik marshrýttar qurý arqyly Túrkistan oblysyna týrısterdi tartýǵa baǵyttaldy.