Bakýde Túrki keńesi elderi stýdentteri arasynda Birinshi jarys ótti

ASTANA. QazAqparat - Bakýde Túrkitildes memleketter yntymaqtastyǵy keńesi (Túrki keńesi) qatysýshy-elderiniń joǵary oqý oryndary stýdentteri arasyndaǵy Birinshi sport jarysy ótti, dep habarlaıdy QazAqparat Anadoly agenttigine silteme jasap.

Básekege qatysqan Ázerbaıjan, Qazaqstan, Qyrǵyzstan jáne Túrkııa elderiniń 400-den astam sportshysy Bakýdegi Shahıdter alleıasyna baryp, gúl shoqtaryn qoıdy.

«Bilim ordalary arasyndaǵy sporttyq jarystardy uıymdastyrýdyń maqsaty - tarıhy, órkenıeti men mádenı murasy bir elderdiń jastaryn jaqyndastyrý», dedi Túrki keńesi Bas hatshysynyń orynbasary Omer Kodjaman jýrnalısterge.

Bas hatshy 2015 jyly Astanada Túrki keńesi qatysýshy-elderi basshylarynyń sammıti ótkenin jáne onda jastardyń bos ýaqyty men sport salasyndaǵy yntymaqtastyqty jandandyrý týraly sheshim qabyldanǵanyn eske saldy. 

Onyń aıtýynsha, eki jyldan keıin Qazaqstanda kezekti jarystar ótedi.

«Ýaqyt óte kele jarystarǵa Túrikmenstan men Ózbekstan qosylady dep úmittenemiz. Bul jarystardy atalǵan elderdiń halyqtaryn jaqyndastyratyn arnaıy joba dep baǵalaımyz», - dep atap ótti Kodjaman.

Jarystar jeti sanat boıynsha ótti.