Bakýde túngi klýbta jarylys bolyp, 31 adam jaraqat aldy
11:19, 03 Sáýir 2022
BAKÝ. TREND - QazAqparat –3 sáýir túnde Ázerbaıjan astanasy Bakýdegi túngi klýbta jarylys boldy. Jarylystan bir adam qaza taýyp, 31 adam jaraqat aldy, dep habarlaıdy QazAqparat Trend agenttigine silteme jasap.
«Qazirgi ýaqytta eldiń tıisti vedomstvolarynyń qyzmetkerleri oqıǵa ornynda júr. Ázerbaıjan prokýratýranyń tergeýshileri men krımınalısteri qajetti tergeý áreketterin jasap jatyr. Aldyn ala aqparatqa sáıkes, oqıǵa saldarynan 1 adam qaza taýyp, 31 adam túrli dárejedegi dene jaraqatyn aldy», - delingen agenttik habarlamasynda.