Bakýde TMD Qorǵanys mınıstrleri keńesiniń otyrysy ótti
Otyrysqa Qazaqstan, Ázerbaıjan, Reseı, Belarýs, Ózbekstan, Tájikstan Qorǵanys mınıstrleri jáne Qyrǵyzstan Qarýly kúshteri Bas shtabynyń bastyǵy qatysty.
Jıynda 2025 jylǵa deıingi radıatsııalyq, hımııalyq jáne bıologııalyq jaǵdaıdy baqylaý men baǵalaýdyń birikken júıesin damytý baǵyttary, normatıvtik jáne quqyqtyq qamtamasyz etý máseleleri talqylandy. Sondaı-aq bilim berý, topografııalyq salada, birlesken is-sharalardy ótkizý jáne aqparattyq jarııalaýda ózara is-qımyldy odan ári damytý jaıy da aıtyldy.
Qazaqstan úshin TMD formatyndaǵy áskerı yntymaqtastyqtyń negizgi maqsaty – qorǵanys, áskerı qaýipsizdik salasyndaǵy ózara is-qımyldy qoldaý jáne qatysýshy memleketterdiń turaqty damýy bolyp tabylady.
Kezdesý qorytyndysy boıynsha qorǵanys mınıstrleriniń keńesi kezekti jylǵa arnalǵan birlesken is-sharalar keshenin bekitti, sondaı-aq onyń odan ári jumys isteýiniń qarjylyq aspektilerin jáne áýe-ǵarysh qorǵanysy mindetterin sheshýge beıimdelýdi kelisti.
Baǵdarlama aıasynda Ázerbaıjan prezıdenti Ilham Álıev qatysýshylardy qabyldady. Sondaı-aq «Máńgilik alaý»monýmentine gúl shoǵy qoıyldy.