Bakýde ótken halyqaralyq festıvalde qazaqstandyqtar sátti óner kórsetti

<p>Bakýde tsıfrlyq tehnologııalardy, ınnovatsııalardy jáne robototehnıkany oqıtyn shyǵarmashyl balalarǵa arnalǵan úshinshi halyqaralyq STEAM Azerbaijan 2023 festıvali ótti, dep habarlaıdy <a href="https://kaz.inform.kz/news/batis-kazakstanda-ayelder-voleybolin-damituga-ne-kederg-c524ed/Kazinform" target="_blank" rel="noopener">Kazinform.</a></p>

Festıval qatysýshylary «Robokids», «Bolashaq ınjenerleri», «Mehatronıka», «Boat jarysy», «Hakaton», «VEX robototehnıkasy» jáne t.b. pánder boıynsha saıysqa tústi.

Bakýdegi jarysta Qazaqstan atynan Almatydaǵy Q.Sátbaev atyndaǵy ýnıversıtet bazasynda ornalasqan Halyqaralyq robototehnıka akademııasynyń 6 komandasy baq synady.

Komanda quramy 8-17 jas aralyǵyndaǵy oqýshylardan jasaqtalǵan. Festıvalge 11 elden kelgen (onyń ishinde Chehııa, Nıderlandy, Slovakııa, Túrkııa, Túrikmenstan, Ózbekstan, Ulybrıtanııa, Qazaqstan, Ázerbaıjan) 1 150 bala qatysty.

8-13 jas aralyǵyndaǵy qazaqstandyq 3 komanda VEX IQ sanaty boıynsha saıysqa tússe, 14-17 jas aralyǵyndaǵy jetkinshekter 3 komanda quramynda VEX V5 sanaty boıynsha óz robottarymen birge saıysqa tústi. 

Elimizdiń atynan synǵa tússken barlyq 6 komanda tamasha nátıje kórsetip, fınalǵa joldama aldy.