Bakýde ótetin І Eýropalyq oıyndarǵa qatysýshylar sporttyń 20 túrinen baq talastyrady
Jalpy, Bakýde 20 sporttyq jarys túrlerinen saıystar ótkiziledi: onyń 16-sy - olımpıadalyq sport oıyndary bolsa, qalǵan 4-ýi - olımpıadalyq emes sport túrleri. Eýropanyń túkpir-túkpirinen jınalǵan 6 myńnan astam sportshy 17 kún boıy óz eliniń namysyn qorǵaıtyn bolady.
Aıta keteıik, 2012 jylǵy jeltoqsanda Eýropalyq Olımpıada komıteti Bakýdy Eýropalyq oıyndardy ótkizýge laıyq dep tanyǵan bolatyn.
Túrkitildes elderdiń Parlamenttik assambleıasynyń bas hatshysy Jandos Asanov Ázerbaıjan parlamentinde sóılegen sózinde: «TúrkPA-ǵa múshe bolyp tabylatyn Ázerbaıjan eli qıyndyqtarǵa qaramastan, Eýropalyq oıyndardy ótkizýdiń kúrdeli mindetin óz moınyna alǵanyna qýanyshtymyz. Bul Ázerbaıjan úshin ǵana emes, búkil túrki tildes halyqtar úshin mańyzdy oqıǵa», - dep atap ótti.