Bakýde Qazaqstannyń mádenıet kúnderi bastaldy

<p>Halyqaralyq mýǵam ortalyǵynda &laquo;Hassak&raquo; qazaq etno-folklorlyq ansambliniń alǵashqy jeke kontserti ótti, dep habarlaıdy <a href="https://www.inform.kz/?_gl=1*1lncfen*_ga*MTY3MjQxNjI0Ni4xNjk4NDcyODMx*_ga_Y44SMVECD5*MTcwMTU4MjE5Mi4zMy4xLjE3MDE1ODQ2OTcuNTkuMC4w&amp;pk_vid=d87d643f76ac4c1717015847019454f1" target="_blank" rel="noopener">Kazinform.</a></p>

Mýzykalyq qoıylym Qazaqstannyń Ázerbaıjandaǵy mádenıet kúnderi aıasynda eki eldiń Mádenıet mınıstrlikteriniń kómegimen uıymdastyryldy.

«Bul Bakýde birinshi ret uıymdastyrylyp jatqan joq, biraq biz búgin osy jerden tabylǵanymyzǵa óte qýanyshtymyz. Sheteldik qalalardyń ishinde bizge bárinen de Baký unaıdy, óıtkeni mundaǵy adamdar óte meıirimdi jáne qonaqjaı. Ekinshiden, onyń tarıhy óte baı, qala jasyl jáne jańa», - dep atap ótti ansambl jetekshisi Erjan Jámenkeev quttyqtaý sózinde.

Onyń aıtýynsha, búgin ansambldiń eń tanymal jáne úzdik shyǵarmalary oryndalady. 

«Biz qazaqtyń 30-dan astam ulttyq aspaptaryn kórsetemiz. Olar osynda ónerpaz bes adamǵa tıesili. Biz búgingi kórermenderdi jáne Ázerbaıjannyń qurmetti halqyn qýantýǵa tyrysamyz», - dedi «Hassak» basshysy. 

Jámenkeev ansambl solısteriniń árqaısysy 10 jáne odan da kóp aspapta oınaıtynyn aıtty. Olardyń keıbireýleri qaıta jańǵyryp, óz betinshe qoldanysqa engizildi. 

«Óz salamyzdyń kásibı mamany bolýdy armandaımyz, onyń kómegimen mýzyka mádenıetin nasıhattaımyz. Qazirgi ýaqytta biz týyndylarymyzdy balet, opera sııaqty basqa janrlarmen, sondaı-aq sımfonııalyq jáne halyq orkestrlerimen birlesip jasaýdamyz. Taqyrypqa qaraı shyǵarmalarymyzda túrki, ıran, ózbek, qytaı motıvterin de qoldanamyz», - dep túıindedi Jámenkeev. 

Ol baıandama kezinde kelesi jyly ansambldiń Almatyda úlken jeke kontsertin ótkizýdi josparlap otyrǵanyn jetkizdi. 

Uıymdastyrýshylardyń aıtýynsha, Ázerbaıjandaǵy mádenıet kúnderi 4 jeltoqsanǵa deıin jalǵasady. Baǵdarlamada qazaq akterleriniń oryndaýynda M.Áýezovtiń «Qaragóz» spektakli de bar.

Baký turǵyndary úshin Qazaqstannyń beıneleý óneriniń kórmesi esigin aıqara ashty, munda kelýshiler sheberlerdiń týyndylarymen tanysa alady. Іs-sharanyń qorytyndy kezeńi Gala-kontsertpen jalǵasyp, onda qazaq mýzyka óneriniń ókilderi óner kórsetedi.