Bakýde Qazaqstan men Ázerbaıjan Qorǵanys mınıstrleri kezdesti

<p>BAKÝ. KAZINFORM &ndash; Qazaqstandyq delegatsııa Qorǵanys mınıstri general-polkovnık Rýslan Jaqsylyqovtyń basshylyǵymen Baký qalasyna keldi.&nbsp;</p>

Dástúr boıynsha sapar Qurmetti jerleý alleıasyna barýdan bastaldy. Qazaqstan Qorǵanys mınıstri Ázerbaıjannyń jalpyulttyq kóshbasshysy Geıdar Álıevtiń beıiti men «Shahıdter alleıasy» memorıaldyq keshenine gúl shoqtaryn qoıý rásimine qatysty. 

Resmı sapar aıasynda general-polkovnık Rýslan Jaqsylyqov ázerbaıjandyq áriptesi general-polkovnık Zakır Gasanovpen kezdesti. Qazaqstandyq delegatsııa quramynda kelissózderge Qazaqstan Respýblıkasynyń Ázerbaıjandaǵy Tótenshe jáne Ókiletti Elshisi Álim Baıel qatysty. 

Qazaqstan men Ázerbaıjan Qorǵanys mınıstrleri ózara is-qımyldyń perspektıvalyq baǵyttaryn talqylady. Kezdesý qorytyndysy boıynsha taraptar áskerı yntymaqtastyq salasyndaǵy úkimetaralyq kelisimge qol qoıdy. Kezdesý barysynda qorǵanys vedomstvolarynyń basshylary Qazaqstanda ótkizý josparlanyp otyrǵan óńirdegi qaýip-qaterlerge den qoıý kezinde ózara is-qımyl máselelerin pysyqtaýǵa múmkindik beretin «Birlestik-2024» kópultty oqý-jattyǵýynyń ózektiligin atap ótti.

Taraptar sondaı-aq jaýyngerlik daıyndyq, áskerı bilim berý, áskerı-tehnıkalyq yntymaqtastyq jáne basqa da ózara qyzyǵýshylyq týdyratyn salalardaǵy yntymaqtastyqtyń áleýetin áńgime etti.