Bakýde Qazaqstan-Ázerbaıjan týrıstik forýmy ótti
Іs-shara týrızm salasyndaǵy ekijaqty yntymaqtastyqty tereńdetý jáne eki el arasyndaǵy týrıstik aǵyndardy jandandyrýǵa baǵyttalǵan.
Forýmǵa Qazaqstannyń Ázerbaıjandaǵy Elshisi Álim Baıel, Túrki mádenıeti men murasy qorynyń prezıdenti Aqtoty Raıymqulova, «KazakhTourism» UK» AQ, Memlekettik týrızm agenttigi men Ázerbaıjan týrızm bıýrosynyń, AirAstana jáne FlyArystan áýe kompanııalarynyń, týrıster qaýymdastyǵynyń ókilderi, Ázerbaıjan men Qazaqstan gıdteri, Almaty jáne Shymkent qalalarynyń, Mańǵystaý oblysynyń menedjmenttik týrızm basqarmalary, eki eldiń iri týrıstik kompanııalary, jýrnalıster, tanymal ázerbaıjandyq blogerler qatysty.
– Qazaqstan men Ázerbaıjan – strategııalyq seriktes jáne odaqtas. Ekijaqty yntymaqtastyq barlyq salalarda, sonyń ishinde týrızmde de damyp keledi, - dep atap ótti Elshi quttyqtaý sózinde.
Dıplomat qazaqstandyqtardyń Ázerbaıjanǵa, al ázerbaıjandyqtardyń Qazaqstanǵa degen qyzyǵýshylyǵy artyp kele jatqanyn atap ótti.
Álim Baıel 2023 jylǵy statıstıka boıynsha ótken jyly Ázerbaıjanǵa Ortalyq Azııadan kelgen árbir ekinshi týrıst Qazaqstannan kelgenin habarlady.
– Ótken jyly Ázerbaıjanǵa 58 myń qazaqstandyq týrıst kelgen. 2024 jyldyń qańtar-maýsym aılary aralyǵynda Ázerbaıjanǵa 38 myńnan astam qazaqstandyq týrıst keldi. Jalpy, Ázerbaıjanǵa týrıstik aǵynnyń ósý dınamıkasy boıynsha Qazaqstan Qytaı men Úndistannan keıin úshinshi orynda, - dep qosty ol.
Shara aıasynda AirAstana jáne FlyArystan áýe kompanııalarynyń uıymdastyrýymen lotereıa oınatyldy. Jeńimpazdarǵa Ázerbaıjannan Qazaqstanǵa tegin áýe bıletteri tabys etildi.
Sonymen qatar, forým aıasynda eki eldiń týrıstik fırmalary basshylarynyń kezdesýleriniń V2V sessııasy ótip, Qazaqstan men Ázerbaıjan týrıstik gıdter qaýymdastyǵy arasynda yntymaqtastyq týraly memorandýmǵa qol qoıyldy.
2024 jyldyń shildesinde ázerbaıjandyq saıahat blogerleriniń Qazaqstanǵa birinshi týry ótti, onyń barysynda olar Almaty, Shymkent jáne Túrkistan qalalarynda, sondaı-aq Almaty oblysynda boldy.
Forým barysynda olar Qazaqstan týraly alǵan áserlerimen bólisti. Jalpy, forýmǵa qatysýshylar mundaı sharalar Qazaqstanǵa týrıster aǵynyn arttyratynyna senim bildird