Bakýde birinshi Eýropalyq oıyndar ashyldy (FOTO)
Ashylý saltanatyna Ázerbaıjan Prezıdenti Ilham Álıev, birinshi hanym, Eýropalyq oıyndar uıymdastyrý komıtetiniń tóraıymy Mehrıban Álıeva, ártúrli memleketterdiń resmı ókilderi, olardyń arasynda - Túrkııa Prezıdenti Rejep Taıyp Erdoǵan, Reseı Prezıdenti - Vladımır Pýtın, Serbııa Prezıdenti Tomıslav Nıkolıch, Chernogorııa Prezıdenti Fılıp Výıanovıch, Belarýs Prezıdenti Aleksandr Lýkashenko, Túrkimenstan Prezıdenti Gýrbanǵuly Berdimuhamedov, Tájikstan Prezıdenti Emomalı Rahmon, Lıýksembýrgtiń uly gertsogy Anrı, Monako knıazi Alber ІІ, San-Marıno basshylary - kapıtan-regentter Andrea Bellýtsı men Roberto Ventýrını bar.
Saltanatty rásimdi 68 myń kórermen tilekelı tamashalady. Saltanatty uıymdastyrý úshin 28 elden 300-den astam shyǵarmashyl uıymdar jáne 34 memleketten 1000 adam tartyldy.
Orasan zor merekeli keshti búkil álemge tanymal maqam oryndaýshysy, ıÝNESKO halyqaralyq mýzykalyq syılyǵynyń ıegeri, Halyqaralyq sırek daýystar qaýymdastyǵynyń múshesi Álım Gasymov ashty. Budan keıin eńbek sińirgen ártis Natıg Shyrynovtyń rıtm-tobynyń áýenimen sımvoldyq saǵat esebi bastaldy, onda 24 sany beınelengen, bul Ázerbaıjan táýelsizdigin qalpyna keltirý jyldaryn bildiredi.
Myńnan astam bıshiler Dmıtrıı Shostakovıchtiń «Merekelik ývertıýrasynyń» áýenimen ejelgi ázerbaıjan kilemderiniń ultyq órnekterin jáne Ottar Eliniń sımvolyn beıneledi. Munyń bári orasan otshashýmen, kólemi 700 metrlik úlken LED-monıtorlardaǵy túrli-tústi shoýmen kórkemdelip otyrdy.
Ázerbaıjan gımnin memlekettik sımfonııalyq orkestr oryndaǵannan keıin Olımpıada stadıonynda Memlekettik tý kóterildi.
Odan ári 50 elden kelgen sportshylar delegatsııalary sherýi bastaldy, olarǵa kórermender qol shapalaqtap, qurmet kórsetti.
Búkil álemge belgili ánshi Ledı Gaga Djon Lennonnyń «Imagine» dep atalatyn ańyzǵa aınalǵan kompozıtsııasyn tamasha oryndady.
Kesh boıy birinshi Eýropalyq oıyndardyń boıtumary Jeıran men Nar kórermendermen birge bolyp, qonaqtarǵa Ázerbaıjannyń baı muralaryn tanystyrdy.
Eýropalyq oıyndar 28 maýsymǵa deıin sozylady. Eýropanyń barlyq túpkirinen alty myńnan astam sportshy 17 kún boıy jarystarda óz elderiniń namysyn qorǵaıdy.