Bakýde Ázerbaıjan-Qazaqstan jastar forýmy ótip jatyr
Forýmnyń paneldik otyrystary barysynda Ázerbaıjan men Qazaqstan arasynda jastar saıasaty salasyndaǵy tájirıbe almasý, yntymaqtastyqty damytý jáne perspektıvalary, sátti jobalardy (startaptar, jastar kásipkerligi jáne t.b.) kórsetý josparlanyp otyr.
Іs-sharanyń ashylý rásiminde Qazaqstan delegatsııasynyń basshysy, QR Qoǵamdyq damý vıtse-mınıstri Juldyz Omarbekov bıyl naýryz aıynda Qazaqstan Prezıdentiniń jastardyń áleýmettik jaǵdaıyn kóterýge baǵyttalǵan bes áleýmettik bastamany jarııalaǵanyn atap ótti.
«Jastar saıasatyn odan ári iske asyrýdyń basym baǵyttary Qazaqstan Respýblıkasynyń Prezıdenti N.Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda belgilengen», - dedi vıtse-mınıstr.
«Tarıhı turǵyda Qazaqstan men Ázerbaıjan kóshbasshylarynyń arqasynda yntymaqtastyqtyń negizi qalandy. Biz barlyq baǵyttar boıynsha yntymaqtastyqty damytýdamyz, bul jastar saıasatyna yqpal etip jatyr. Búginde biz birqatar jobalardy júzege asyrdyq», - dedi Ázerbaıjan jastar jáne sport mınıstriniń orynbasary Intıgam Babaev.
Ol sondaı-aq, bul eki eldiń jastar saıasaty tanystyrylatyn alǵashqy forým ekenin atap ótti.
«Biz QR Qoǵamdyq damý mınıstrligindegi áriptesterimizge is-sharalar josparynyń jobasyn jiberdik. Taıaý ýaqytta barlyq protsedýralar oryndalyp, eki jylǵa arnalǵan baǵdarlamany júzege asyrý josparyna qol qoıamyz», - dedi I.Babaev.