Baký ýnıversıtetinde Abaıǵa arnalǵan kesh ótti

BAKÝ. QazAqparat – Baký memlekettik ýnıversıtetinde uly Abaıdyń shyǵarmashylyǵyna arnalǵan is-shara ótti, dep habarlaıdy «QazAqparat» HAA tilshisi.

Baqý memlekettik ýnıversıteti janynda ashylǵan Abaı ortalyǵynyń bastamasymen jýrnalıstıka fakýltetinde aqyn, fılosof, kompozıtor, aǵartýshy, oıshyl, qoǵam qaıratkeri, qazaq jazba ádebıetiniń negizin qalaýshy Abaıdyń shyǵarmashylyǵyna arnalǵan kesh ótti.

Uly aqynnyń 175 jyldyǵyna arnalǵan is-shara jýrnalıstıka jáne fılologııa fakýltetiniń barlyq bilim alýshylary úshin mindetti bolyp tabylatyn «Túrki halyqtarynyń ádebıeti» kýrsy boıynsha stýdentterdiń bilimin jetildirýge baǵyttalǵan.

Abaı óleńderin oqýmen bastalǵan kesh, onyń «Qara sózderi» boıynsha pikirtalastarmen jalǵasty.