Baký-Tbılısı-Kars - Qazaqstan aýmaǵy arqyly ótetin tranzıttik júk tasymalyn arttyrady

ASTANA. QazAqparat - «Qazaqstan temir joly» UK» AQ basshysy Qanat Alpysbaev jumys saparymen Ázerbaıjan men Grýzııada bolyp, jyl aıaǵyna deıin paıdalanýǵa berý josparlanyp otyrǵan Baký-Tbılısı - Kars temirjol nysandaryn aralady, dep habarlaıdy ulttyq kompanııanyń baspasóz qyzmeti.

Bul 800 shaqyrymdyq Ázerbaıjan, Grýzııa, Túrkııa temirjoldaryn biryńǵaı jelige qosatyn Baký-Tbılısı -Kars temirjol baǵdary Transkaspıı halyqaralyq kólik dáliziniń mańyzdy bóligi bolyp tabylady.

Sapar barysynda Q. Alpysbaev Túrkııanyń Kólik, keme qozǵalysy jáne kommýnnıkatsııalar mınıstri Ahmet Arslanmen, Grýzııanyń Ekonomıka jáne turaqty damý mınıstri Georgıı Gaharııamen kezdesti. Áriptesterimen temirjol kóligi salasyn ári qaraı damytý barysy týraly máseleni talqylady.

«Qazaqstandyq temirjolshylar men qytaılyq áriptesterimiz jańa temirjol nysandarynyń qurylysy aıaqtalýyn asyǵa kútýde. Bul óz kezeginde Túrkııaǵa shyǵatyn júk tasymaldaý aýqymyn ári geografııasyn keńeıte túsedi»,-dep atap ótti Q. Alpysbaev.

Bul magıstraldy paıdalanýǵa berý arqyly Qytaıdan shyǵatyn júk aǵynyn Qazaqstan aýmaǵymen Aqtaý porty, Quryq, Alıat aılaqtary arqyly Túrkııaǵa qysqa jolmen jetkizip, odan ári Eýropaǵa baǵyttaýǵa bolady.

Osy dálizben qazaqstandyq ónim óndirýshiler óz taýarlaryn Eýropa naryǵyna tezirek tasymaldaı alady. ıAǵnı, 2020 jyldarǵa deıin Qazaqstan aýmaǵy arqyly tranzıttik júk tasymalyn 2 mıllıon konteınerge jetkizýge bolady.

Sondaı-aq, Q. Alpysbaev Kars, Ahalkalakı stantsııalarynda bolyp, jańa temirjol nysandarymen tanysty.