Baký BRIKS-ke múshe bolý úshin resmı túrde ótinish berdi
00:28, 21 Tamyz 2024
<p>ASTANA. KAZINFORM – Ázerbaıjan resmı túrde BRIKS-ke qosylýǵa ótinish berdi. Bul týraly Ázerbaıjan Syrtqy ister mınıstrliginiń baspasóz qyzmeti habarlady.</p>
«Ázerbaıjan resmı túrde BRIKS-ke qosylýǵa ótinish berdi», - dedi Syrtqy ister mınıstrliginiń baspasóz hatshysy Aıhan Gadjızade.
Buǵan deıin 18 tamyzda Máskeýdegi Ázerbaıjan elshisi Polad Bıýlbıýl ogly eldiń uıymǵa kirý jumystary júrip jatqanyn habarlady.
BRIKS – Reseı Federatsııasy, Brazılııa, Úndistan, Qytaı jáne Ońtústik Afrıka Respýblıkasy kiretin memleketterdiń beıresmı toby.
19 tamyzda Bakýde Vladımır Pýtın men Ázerbaıjan Respýblıkasynyń prezıdenti Ilham Álıevtiń kelissózderi ótip, onyń qorytyndysy boıynsha kóshbasshylar birqatar memleketaralyq qujatqa qol qoıǵanyn jazǵan edik.