Baqtybaı Shelpekov: Joldaýda el ekonomıkasynyń qolaısyz jaǵdaıdan qalaı shyǵý baǵyttary muqııat belgilgen
«Óńirge barǵan saparymda bilim mekemelerindegi kezdesýlerde osy saladaǵy oń ózgerister týraly, onyń ishinde jańa oqý protsesteri týraly, qashyqtan oqytýǵa baılanysty ınternetke qoljetimdilik pen daıyndyq, sapaly bilim berý máseleleri týraly suraqtar kóterilgen bolatyn. Prezıdent óziniń Joldaýynda, osyndaı ózekti máselelerge toqtaldy. Sanıtarlyq talaptardy jáne ótken toqsandaǵy qashyqtan oqytýdaǵy jiberilgen qatelikterdi eskere otyryp, Úkimetke tolyqqandy fýnktsııalary bar biryńǵaı onlaın bilim berý platformasyn shuǵyl ázirleý kerektigin jáne sapaly bilim berýdiń qalyptasqan dástúrli tásiline qaıta kóshý tártibin de ázirleýdi tapsyrdy», - dedi senator.
Sonymen qatar ol, bilim salasyndaǵy basty máselelerdiń biri – ol ustazdar jalaqysynyń azdyǵy bolǵanyn, 2021 jyldyń qańtar aıynan bastap pedagogterdiń jalaqysy 25 paıyzǵa ósetini qýanyshty habar ekenin atap ótti.
«Joldaýda elimizdiń ekonomıkasynyń, búgingi qolaısyz jaǵdaıdan qalaı shyǵý baǵyttary muqııat belgilenip, Úkimetke biraz tapsyrmalar berildi. Meniń oıymsha, bul tapsyrmalar Úkimet pen Parlamenttiń birlese otyryp sheshetin máseleleri, osy oraıda, aldaǵy ýaqytta qandaı baǵytta jumystar júrgiziletini tolyqtaı belgilendi. Búgingi Joldaýdan keıin Qazaqstan halqy bir serpilip, osy belgilengen strategııalyq mejelerdi oryndaý úshin, jumyla jumys isteımiz degen pikirdemin» dep túıdi sózin ol.