Baqtııar Artaev, Ilıa Ilın jáne Denıs Ten qazaqstandyqtardy Tuńǵysh Prezıdent kúnimen quttyqtady
«Meniń zamandastarym beıbitshilik, birlik jáne kelisim elinde ósip, ómir súrýde. Búginde mundaı saıasat álemniń barlyq elinde birdeı bolyp otyrǵan joq. Álemde tynyshsyz jaǵdaı bolyp turǵan kezde osyndaı bizdiń tatý-tátti jáne gúldengen el úshin Nursultan Ábishulyna rahmet! Barlyq qazaqstandyqtardy Qazaqstan Respýblıkasynyń Tuńǵysh Prezıdenti kúnimen quttyqtaımyn», - dep jazdy óziniń Instagram-daǵy paraqshasynda Elbasymen birge túsken sýretine túsindirme jasaǵan 2014 jylǵy Sochıde ótken Olımpıadalyq oıyndardyń qola júldegeri, 2013 jylǵy mánerlep syrǵanaýdan Álem chemıonaty kúmis medaliniń ıegeri Denıs Ten.
2004 jylǵy Afınydaǵy Olımpıada chemıony boksshy Baqtııar Artaev ta Facebook-taǵy óziniń paraqshasyna Tuńǵysh Prezıdent kúnine oraı óziniń Memleket basshysymen birge túsken sýretin ornalastyrǵan.
Instagram-daǵy óz fan-klýbynyń paraqshasynda aýyr atletıkadan eki márte Olımpıada chempıony, tórt márte álem chempıony Ilıa Ilın Elbasynyń atyna jáne barlyq qazaqstandyqtarǵa quttyqtaýlarǵa qosyldy.