Baqtııar Artaev bokstan bapkerler máselesine qatysty suraqqa jaýap berdi

NUR-SULTAN. QazAqparat - Qazaqstan boks federatsııasynyń bapkerlik máseleler jónindegi vıtse-prezıdenti, bokstan QR quramasynyń memlekettik jattyqtyrýshysy Baqtııar Artaev bokstan bapkerler máselesine qatysty suraqqa jaýap berdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ǵalamtor jelisinde Olımpıadadan keıin Qazaqstannyń boks quramasynyń bas bapkeri Ǵalymbek Kenjebaevqa qatysty syn aıtylyp jatqany týraly, sondaı-aq onyń otstavkasy jaıynda suraq qoıyldy.

Óz kezeginde Baqtııar Artaev bul saýalǵa jaqyn arada jaýap beriletinin aıtty.

«Bul suraqqa bizdiń jaýaptarymyz daıyn. Shamaly kútseńizder, oǵan naqty jaýap beremiz, ıaǵnı bir aptanyń kóleminde shamaly ýaqyt berińizder», - dedi B. Artaev.

Budan buryn habarlanǵandaı, QR quramasynyń memlekettik jattyqtyrýshysy bokstan bapkerler máselesi qaralatynyn aıtty.

Sonymen qatar Baqtııar Artaev Olımpıdadaǵy boksshylardyń ónerine baǵa berdi.