Baktıer Zaınýtdınov «Beshıktash» komandasymen tórt jyldyq kelisimshartqa otyrdy

ASTANA. QazAqparat - Ystanbuldyń «Beshıktash» komandasy Túrkııa fýtbol federatsııasy saıtynda Qazaqstan quramasynyń jartylaı qorǵaýshysy Baktıer Zaınýtdınovpen jasalǵan kelisimshartty tirkedi, dep habarlaıdy QazAqparat tilshisi.

Federatsııanyń resmı saıtynda Zaınýtdınovtyń ystanbuldyq klýbpen kelisimsharty bıylǵy jyldyń 18 tamyzynan bastalǵany kórsetilgen. Onyń aıaqtalý merzimi - 2027 jyldyń 30 maýsymy.

«Beshıktash» Túrkııa sýperlıgasyndaǵy kelesi oıynyn 29 tamyzda «Adanademırspor» komandasyna qarsy ótkizedi. Qazaqstandyq fýtbolshy atalǵan kezdesýde jańa komandasy sapynda alǵashqy oıynyn kórsetýi múmkin.

Aıta ketsek, túrkııalyq klýb Zaınýtdınovtiń transferi úshin 4,5 mıllıon eýro tóledi.

Baktıer Zaınýtdınov 1998 jyldyń 2 sáýirinde dúnıege kelgen. Buǵan deıin qazaqstandyq «Taraz», «Astana», Reseıdiń «Rostov» jáne TsSKA komandalarynyń namysyn qorǵady.

Eske salsaq, budan buryn TsSKA Bahtııar Zaınýtdınovtyń transferi úshin bonýs kútip otyrǵany habarlandy.