Baqtıer Zaınýtdınov «Beshıktash» komandasymen Túrkııa kýbogynyń ıegeri atandy

<p>ASTANA. KAZINFORM - Baqtıer Zaınýtdınov Túrkııa kýbogyn tóbesine kótergen alǵashqy qazaqstandyq fýtbolshy ataǵyna qol jetkizdi.&nbsp;</p>

Qazaqstan ulttyq quramasynyń úzdik surmergeni (14 gol) jáne «Beshıktash» fýtbol klýbynyń jartylaı qorǵaýshysy óz kollektsııasyna kezekti trofeıin qosty. Onyń klýby Túrkııa kýbogynda «Trabzonspor» komandasyn 3:2 esebimen jeńdi. Match aldynda Zaınýtdınov oıynǵa qatysatyn fýtbolshylar tizimine engen. Degenmen ol jasyl alańǵa shyqqan joq.

Ulttyq qurama kóshbasshysy jaraqatynan jaqynda jazyldy. Buǵan deıin Baqtıer Túrkııa kýbogynda úsh kezdesý ótkizgenin aıta ketken jón.

Foto: Baqtıerdiń jelidegi paraqshasynan

«Beshıktash» óz tarıhynda atalǵan týrnırde on birinshi márte jeńimpaz atanyp otyr. Іshki birinshilikte S. Topyraqtepe jattyqtyratyn komanda sońǵy týr aldynda týrnırlik kesteniń besinshi satysynda tur. 

Aıta ketsek, budan buryn Bahtıer Zaınýtdınov 2022/23 jylǵy maýsymda Reseı kýbogyn ıelendi. Sondaı-aq Jambyl fýtbolynyń túlegi «Astana» sapynda Qazaqstan chempıony (2018) jáne Sýperkýbok (2018) ıegeri bolǵan edi.  

Eske salsaq, budan buryn grekııalyq Akıs Vavalıs «Jeńis» fýtbol klýbyna bas bapker boldy.