Baqılyq bolǵandar da jumyspen qamtý baǵdarlamasyna qatysqan - Bas prokýratýra

ASTANA. QazAqparat - QR Bas prokýratýrasy 2016-2018 jyldarǵa arnalǵan jumyspen qamtý baǵdarlamasynyń júzege asyrylýyn tekserip, nátıjesin jarııalady, dep habarlaıdy QazAqparat vedomtsvonyń baspasóz qyzmetine silteme jasap.

«Tekserý nátıjesinde 10,5 mlrd teńgeni tıimsiz paıdalaný, shamamen 1 mlrd teńgeni jymqyrý jáne 553 mln teńgege nesıelerdi maqsatsyz paıdalaný faktileri anyqtaldy. ıAǵnı daıyndyqtan ótken 81 myń jumyssyzdyń 28% -y ǵana nemese 23 myńy jańadan meńgergen mamandyqtary boıynsha jumysqa ornalasqan», - dep habarlady Bas prokýratýra Feısbýktegi paraqshasynda.

Bas prokýratýra keltirgen derekterge sáıkes, Almaty oblysynyń Balqash aýdanynda bıýdjettiń 45 mln teńgesine 250 adam talap etilmegen mamandyqtar boıynsha oqytylǵan. Nátıjesinde tek úsheýi ǵana jumys tapqan.

Sondaı-aq, baspasóz qyzmeti 1,8 mlrd teńge kólemindegi 930 nesıeniń negizsiz berilip, maqsatsyz paıdalanylǵanyn atap ótti. Bul nesıeler óndiristi keńeıtý men jańa jumys oryndaryn qurý úshin bıznes sýbektilerine arnalǵan bolatyn.

«Memleketten alynǵan qaryzdar basqa nesılerdi jabýǵa, jyljymaıtyn múlikti jáne avtokólikti satyp alýǵa jumsalǵan.1,3 mlrd teńgege 750 bıýdjettik nesıe Aqmola, Almaty, Shyǵys Qazaqstan, Batys Qazaqstan oblystarynda tirkelmegen kásipkerlerge jáne salyq boıynsha boryshy bar adamdarǵa berilgen. Nesıeni alǵannan keıin shamamen 300 kásipker birden ózderiniń qyzmetin toqtatqan», - delingen habarlamada.

Nátıjesinde 2,5 myńnan astam jańa jumys ornyn qurý jospary iske asyrylmaǵan. Odan bólek, azamattardy jalǵan jumysqa ornalastyrýdyń 766 faktisi anyqtalǵan. Jumys oryndarymen múgedekter, basqa uıymnyń qyzmetkerleri, tipti qaıtys bolǵandar da «qamtamasyz» etilip kelgen. Dál osyndaı jolmen Túrkistan oblysyndaǵy qylmystyq top 464 mln teńge bıýdjet qarajatyn jymqyrǵan. Onyń quramyna Jumyspen qamtý ortalyǵynyń basshylary jáne Eńbekshi aýdanyndaǵy jergilikti polıtsııa basshysy bar.

Jalpy respýblıka boıynsha jalǵan jumysqa ornalastyrýmen aınalysqany úshin 120 jumys berýshi qylmystyq jaýapkershilikke tartylýda. Ázirge Óskemen qalasynyń, ShQO Abaı aýdanynyń, Jambyl oblysy Jýaly aýdanynyń, Balqash qalasynyń jumyspen qamtý ortalyqtarynyń basshylary, sondaı-aq Jezqazǵan, Shymkent jáne Qyzylorda ortalyqtarynyń qyzmetkerleri sotqa tartyldy.

«Tekserý nátıjesinde jalpy somasy 1 mlrd teńgeni jymqyrý faktisi boıynsha 195 qylmystyq is qozǵaldy. Bas rrokýror anyqtalǵan buzýshylyqtardy joıý jáne jaýapty tulǵalardy jazalaý maqsatynda Premer-Mınıstrdiń atyna usynym engizdi», - deıdi QR Bas prokýratýrasynyń baspasóz qyzmeti.