BAQ salasynda kadrlardy daıarlaý júıesi qaıta qaralady

NUR-SULTAN. QazAqparat – Aqparat salasyn quqyq retteý boıynsha baǵyty aıasynda zańnamalyq sharalar júzege asyrylady. Bul týraly Aqparat jáne qoǵamdyq damý mınıstri Aıda Balaeva málim etti, dep habarlaıdy QazAqparat tilshisi.

«Bilim berý baǵdarlamalary men kásibı damytýdy jetildirý aıasynda BAQ salasynda kadrlardy daıarlaý júıesi qaıta qaralady», - dedi mınıstr Ortalyq kommýnıkatsııalar qyzmetinde onlaın rejımde ótken halyqqa esep berý kezdesýi barysynda.

Osy oraıda, mentorlyq ınstıtýtty damytý, buqaralyq aqparat quraldaryndaǵy jas qyzmetkerler úshin granttyq baǵdarlamalardy iske qosý eskerilgen.

A. Balaevanyń sózine qaraǵanda, aqparat salasyn quqyqtyq retteý boıynsha zańnamalyq sharalar júzege asyrylady. Olar BAQ salasyn jetildirýge, salanyń jańa sýbektileriniń quqyqtyq mártebesin aıqyndaýǵa, jarnama boıynsha BAQ úshin múmkindikterdi keńeıtýge, teleradıo habarlaryn taratý salasynda rásimderdi jetildirýge baǵyttalǵan.