BAQ salasynda 2 myńǵa jýyq áıel basshylyq qyzmette jumys isteıdi

ASTANA. QazAqparat – Qazaqstan aldaǵy 7 jyldyń ishinde erler men áıelder jalaqysy aıyrmashylyǵyn 21 paıyzǵa deıin qysqartpaq. Bul týraly elordada ótken І Ortalyq Azııa medıa forýmynda QR Prezıdenti Ákimshiligi basshysynyń orynbasary Aıda Balaeva aıtty, dep habarlaıdy QazAqparat tilshisi.

«Qazaqstannyń josparynda taıaý 7 jyldyń ishinde genderlik aıyrmashylyqqa qatysty erlerdiń áıelderge qatysty ómir súrý uzaqtyǵyn 7 jylǵa, ortasha jalaqy aıyrmashylyǵyn 21 paıyzǵa deıin qysqartý, sonymen qatar sheshim qabyldaıtyn deńgeıde bılik organdaryndaǵy áıelderdiń úlesin 30 paıyzǵa deıin jetkizý josparlanǵan», - dedi Aıda Balaeva.

Onyń dereginshe, búginde buqaralyq aqparat quraldary salasynda 1 700-ge jýyq áıel basshylyq qyzmet atqarady.

«Bul Qazaqstandaǵy BAQ-tyń jalpy úlesiniń shamamen 32 paıyzyn quraıdy. Olardyń ishinde jetekshi respýblıkalyq telearnalardyń gazetter men ınternet resýrstarǵa jetekshilik etip otyrǵan áıelder bar», - dedi ol.