Baq qala: Almatyǵa bıiktigi 6 metrden asatyn iri kóshetter otyrǵyzylady

<p>ALMATY. KAZINFORM &ndash; Byltyr megapolıste 650 myńǵa jýyq aǵash pen buta otyrǵyzyldy. Bul týraly Almatyda ortalyq kommýnıkatsııalar qyzmetinde ótken brıfıngte qala ákimi Erbolat Dosaev aıtty.</p>

Shahar basshysynyń aıtýynsha, 2025 jyly qalaǵa bıiktigi 6 metrden asatyn 27 myń iri kóshet otyrǵyzylady. Sondaı-aq 1 mıllıonan astam jasyl jelek avtomattandyrylǵan júıemen sýarylady.

– Memleket basshysynyń «Almaty – baq qala» mártebesin jandandyrý týraly tapsyrmasyn oryndaý maqsatynda 2030 jylǵa deıin 2,5 mln jasyl jelek otyrǵyzý boıynsha jol kartasy bekitildi. 2025 jyldan bastap kóshet egý kezinde Almaty ákimdigi iri kólemdi kóshetterdi jappaı qoldanatyn bolady. Osylaısha bıiktigi 4 jáne 6 metrden asatyn 27 myń kóshet otyrǵyzylady, – dedi ákim.

Almaty qalasynda jasyl jelekterdi qorǵaý jáne kútý qaǵıdalarymen sýarý júıesin mindetti túrde júrgizý jónindegi norma engizildi.

2 jyl ishinde 500 shaqyrym avtomattandyrylǵan sýarý jáne tamshylatyp sýarý jelileri ornatyldy.2025 jyly taǵy 290 shaqyrym osyndaı jeliler ornatylady (somasy 4,1 mlrdteńge).

Esterińizge sala keteıik, 2024 jyldyń sáýir aıynda «Almaty – bizdiń ortaq úıimiz» aktsııasy aıasynda qalany kógaldandyrý boıynsha «Almaty – baq qala» aýqymdy aktsııasy ótti. Sonyń aıasynda, 7 myńnan astam jasyl jelek otyrǵyzyldy, onyń ishinde 4 015 jemis aǵashy, 1 090 japyraqty aǵash jáne 2 600 buta bar.

Buǵan deıin Sátbaev kóshesiniń boıyndaǵy qýraǵan qylqan japyraqtylardy kesip, ornyna jańasyn otyrǵyzylatyny týraly jazǵan edik.