BAQ Golovkınniń tıtýlyna yqtımal úmitkerlerdi baǵalady

ASTANA. QazAqparat - Boxingnews24.com sholýshysy Erık Boldýın, Gennadıı Golovkın tıtýlynyń mindetti úmitkerlerin taǵaıyndaý úshin WBC josparlap otyrǵan «tórttik týrnırdiń» boljamdy qatysýshylarynyń deńgeıine baǵa berdi, dep habarlaıdy Sports.kz.

«WBC №3 reıtıngindegi Davıd Leme (36-3, 32 KO) Saýl «Kanelo» Alvarespen 2017 jyldyń aqpan nemese mamyr aıynda kezdesedi. Onyń WBC qamqorlyǵyndaǵy týrnırge qatysýy ekitalaı. Eger ol Kanelomen kelesi jyly aıqaspasa da, týrnırde Golovkınmen kezdesýi qısynǵa kelmeıdi. Leme tanymal boksshy jáne oǵan tıtýldyq jekpe-jekti jeńip alý úshin týrnırler qajet emes. Alaıda Leme osy týrnırge qatysatyn bolsa, jeńiske jetýi ábden múmkin. WBC №8 reıtıngindegi Kertıs Stıvens (29-5, 21 KO) úsh jyl buryn Golovkınnen segizinshi raýndta jeńilis tapty. Sodan keıin ol sońǵy bes aıqasta tórt ret jeńiske jetti. 2014 jyly qazylardyń biraýyzdan sheshim qabyldaýymen Hassan N'Damý N'Jıkamnan utylyp qalǵan edi. Oǵan qaramastan, Djeıms De La Rossa jáne Patrık Teısheıromen bolǵan jekpe-jekte jeńiske jetti. WBC №1 reıtıngindegi Horhe Sebastıan Heıland (28-4-2, 15 KO) 2014 jyly Mettıý Maklındy utqan soń ózine laıyq emes kóptegen qarsylastarmen aıqasty. Onyń basshylary jaqsy qarsylas qarastyrýda nege mán bergenin túsinbeımin. Kóbine jurtqa tanymal emes sportshylarmen oınady. Sońǵy úsh jekpe-jekte Anhelıa Ernandesty (17-18-1), Martın Fıdel Rıosty (17-8-3) jáne Klaýdıo Arıel Abalosty (29-13-3) jeńgen bolatyn», - dep jazady Boldýın.

Aıta keteıik, avtor óz habarlamasynda týrnırdiń taǵy bir qatysýshysy - ýkraındyq Evgenıı Hıtrov týraly tis jarmady.