BAQ Golovkın - O'Sallıvan jekpe-jegin ótkizý múmkindigine baǵa berdi

ASTANA. QazAqparat - Boxingnews24.com saıtynyń jýrnalısi Skott Gılfoıd Golovkın - O'Sallıvan jekpe-jegin ótkizý múmkindigi týraly pikir bildirdi. Bul týraly Sports.kz jazdy.

Ol ırlandııalyq boksshy eger 15 qyrkúıekte GGG «Kanelony» jeńse, Gerı «Spaık» O'Sallıvannyń Gennadıı Golovkınmen judyryq túıistire almaıtynyn aıtty.

Buryn O'Sallıvan 15 qyrkúıekte GGG - «Kanelo» boks keshiniń anderkardynda óner kórsetetinin jáne olardyń jeńgenimen jeltoqsanda kezdesetinin málimdegen bolatyn.

«Golovkın deńgeıi tómen qarsylasqa bosqa ýaqyt jumsamaıdy, sondyqtan O'Sallıvannyń tıtýldyq jekpe-jek ótkizý týraly usynysyn qabyldamaıdy. Eger Golovkın «Kanelomen» ótken rematchtan keıin ırlandııalyqpen kezdesse, boks qoǵamdastyǵy narazylyq bildiredi. Amerıkalyq jankúıerler Golovkınniń Bıllı Djo Sonderspen jekpe-jek ótkizýine tózetin shyǵar, biraq «Spaık» sekildi qarsylasqa qarsy usaq kezdesýge endi shydamaıdy. Mamyr aıynda Gennadıı Vanes Martırosıanmen judyryq túıistirdi, sonyń ózi nebári eki-aq raýndqa sozylǵan masqara jekpe-jek boldy. Jankúıerler, Alvaresten tys, Golovkınniń Djermall Charlo, Dennı Djeıkobs jáne Demetrıýs Endreıd sııaqty boksshylarmen aıqasqanyn qalaıdy. O'Sallıvanǵa Golovkın men «Kanelo» tek aýyr nokaýtqa túsken kezde qyzyǵýy múmkin. ıAǵnı aýyr jeńilisten soń azdap ózine degen senimdiligin arttyrý úshin Gerı eń durys qarsylas bolatyn shyǵar, biraq basqa maqsattarda O'Sallıvannan esh paıda joq», - deıdi Skott Gılfoıd.