BAQ Golovkın men Kottonyń yqtımal aıqasyna qatysty pikir bildirdi

ASTANA. QazAqparat - Boxingnewsandviews.com saıty Gennadıı Golovkın (37-0, 33 KO) men Mıgel Kotto (40-5, 33 KO) arasynda bolýy yqtımal jekpe-jekke qatysty pikir bildirdi.

«Golovkın - Kotto - bul árıne, Golovkın - «Kanelo» emes, degenmen,  satylymy jáne tartymdylyǵy joǵary aıqas. Tipti Mıgeldiń tamasha mansaby sońyna taıap qalǵanyna qaramastan, bul aıqas atap aıtqanda, Golovkınniń tanymaldylyǵy áste báseń emes Nıý-Iork qalasynda qyzyqty bolyp kórinedi. Sondyqtan, GGG komandasy Madison Square Garden arenasynda atalmysh aıqasty ótkizýdi qarastyrýy múmkin», - dep jazady basylym.

Buǵan deıin Kottonyń bapkeri Freddı Roých Golovkınmen jyl sońyna deıin kezdesý uıymdastyrýdy josparlap otyrǵanyn málimdegen bolatyn.