BAQ: Eger «Kanelo» uly chempıon bolsa, Golovkınmen taǵy aıqasady

ASTANA. QazAqparat - The Press-Enterprise amerıkalyq basylymy atap ótkendeı, Gennadıı Golovkın - Saýl Alvares úshinshi jekpe-jegi keler jylda kásibı boks álemi kútip otyrǵan eń mańyzdy shara, dep habarlaıdy Sports.kz.

«Munda aıaqtalmaı qalǵan is bar. Alvares muny sezbeýi múmkin, sebebi ol jeńiske jetti. Alaıda, biz kimniń úzdik boksshy ekenin anyqtaǵan joqpyz. «Kanelonyń» promoýteri Oskar de la Hoııa taıaýda Tvıtterde kelesi aıqas týraly jarııalaıtynyn jazdy. Onda merekelerden keıin Alvarestiń mamyrda jekpe-jekke shyǵatyny aıtylyp, #SizderTańǵalasyzdar heshtegi qoıyldy. Onyń qarsylasy Golovkın bolatynyna uqsamaıdy. Alaıda, sol bolýy kerek edi. Eger «Kanelo» men de la Hoııa Golovkındi 2019 jyldyń sońyna deıin nemese 2020 jylǵa deıin kúttirip qoısa, onyń jasyna baılanysty máseleler týyndaýy múmkin», - delingen habarlamada.

«GGG qazir 36-da, al sáýirde 37-ge tolady. «Kanelo» bar-joǵy - 28-de, sondyqtan ol kúte beredi. Biz Golovkın men Alvarestiń úshinshi jekpe-jeginiń Gennadıı 38-ge tolǵanda ótkenin qalamaımyz. Eger Alvares uly chempıon bolsa, de la Hoııaǵa Golovkınmen mamyrda aıqasqysy keletinin aıtady. Sonymen bitti. Oskardyń oń qoly, Golden Boy Promotions prezıdenti Erık Gomes «Kaneloǵa» Golovkınmen aýyr aıqastan keıin jeńil jekpe-jek uıymdastyrǵysy keletinin málimdedi.  Keremet. Alvares mundaı aıqasty ótken senbide ótkizdi. Ol Rokkı Fıldıngti úshinshi raýndta toqtatyp, onyń tıtýlyn ıemdendi. Endi Saýlge ózin kórsetetin ýaqyt jetti», - dep jazylǵan materıalda.