BAQ arasynda memlekettik tildiń mártebesin nyǵaıtýǵa baǵyttalǵan respýblıkalyq baıqaý ótkiziledi

ASTANA. QazAqparat - Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti «Memlekettik til jáne BAQ» respýblıkalyq baıqaýyn ótkizbek.

1. Jalpy erejeler

  

1.«Memlekettik til jáne BAQ»respýblıkalyq baıqaýy
(budan ári - Baıqaý) Qazaqstan Respýblıkasy Baılanys jáne aqparat qyzmetkerleri kúnine oraı baǵyttalǵan.

2. Baıqaýdy ótkizýdiń maqsaty - memlekettik til saıasatyn buqaralyq aqparat quraldarynda keńinen nasıhattaý, memlekettik tildiń basylymdarda nasıhattalý belsendiligin arttyrý.

3. Baıqaý tórt nomınatsııadan turady:

1)  «Úzdik maqala» (merzimdi baspasóz boıynsha);

2)  «Úzdik telearna baǵdarlamasy» (telearna baǵdarlamalary boıynsha);

3)  «Úzdik radıo baǵdarlamasy» (radıo baǵdarlamalary boıynsha);

4)  «Úzdik saıt maqalasy» (saıt materıaldary boıynsha).

4. Baıqaýǵa qoǵamdyq ómirdiń barlyq salalarynda memlekettik tildiń qyzmet etý aıasyn keńeıtý men mártebesin nyǵaıtý jolynda memlekettik tildiń ahýaly, ony damytý týraly maqalalary (habarlar uıymdastyrǵan) jarııalaǵan jekelegen jýrnalıster qatysa alady.

5. Osy baıqaýdyń aldyńǵy jeńimpazdary men júldegerleri (bas júlde,
І, ІІ, ІІІ oryn ıegerleri) osy baıqaýǵa qatystyrylmaıdy.

  2. Baıqaýdy uıymdastyrý tártibi

 

6. Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti (budan ári - Komıtet) baıqaýdyń uıymdastyrýshysy bolyp tabylady.

7. Baıqaýdy ótkizý týraly habarlandyrý óńirlik, respýblıkalyq BAQ-ta jarııalanady jáne Qazaqstan Respýblıkasy Mádenıet jáne sport mınıstrliginiń resmı saıtynda ornalastyrylady.

8. Baıqaý qatysýshylary usynylǵan osy erejeniń 3-tarmaǵyndaǵy kórsetilgen tórt nomınatsııa boıynsha ótinimdi oblystar men Astana jáne Almaty qalalarynyń jergilikti atqarýshy organdary (Tilderdi damytý basqarmalary) jáne jeke tulǵalar Komıtetke 2016 jylǵy 10 maýsymǵa deıin tómendegi materıaldarmen birge usynady:

1) 2015 jylǵy 10 maýsym men 2016 jylǵy 9 maýsym aralyǵyndaǵy memlekettik tildi nasıhattaý baǵytynda jaryq kórgen jarııalanymdardy, tele jáne radıoefırge shyǵarylǵan habarlardy, memlekettik tildegi saıttardaǵy materıaldardy;

2) maqala jarııalanǵan gazet-jýrnaldyń túpnusqasy, saıttardyń skrınshottary, baǵdarlamalardyń DVD dıskidegi jazbasy, «Word» formatyndaǵy elektrondyq nusqasy;

3) usynylǵan materıaldardyń qysqasha annotatsııasy.  

3. Baıqaý qatysýshylaryn baǵalaý

9.Baıqaýǵa qatysýshylardyń jumysyn baǵalaý jáne jeńimpazdar men júldegerlerdi anyqtaý úshin til men ádebıet, jýrnalıstıka salalarynyń bilikti mamandary men ǵalymdarynan, zııaly qaýym ókilderi, qoǵam qaıratkerlerinen turatyn qazylar alqasy 5-7 adamnan qurylady. Onyń quramyn Komıtet anyqtaıdy.

10. Baıqaýǵa qatysýshylardyń materıaldary jınaqtalǵannan keıin qazylar alqasynyń otyrysy ótkiziledi. Otyrysta qazylar alqalarynyń daýys berýleri arqyly baıqaýdyń tórt nomınatsııasy boıynsha jeńimpazdar men júldegerler aıqyndalady. Marapattaý rásiminde baıqaý jeńimpazdary men júldegerleri týraly jarııalanady.

11. Baıqaý jeńimpazdary men júldegerlerin marapattaý rásimi 2016 jylǵy maýsym aıynda Astana qalasynda ótkiziledi.

12. Baıqaý jeńimpazdary men júldegerleri arnaıy dıplomdarmen, alǵyshattarmen jáne aqshalaı syılyqtarmen marapattalady.

13. Baıqaýǵa usynylatyn materıaldar myna mekenjaıǵa joldanýy tıis:

010000, Astana qalasy, «Mınıstrlikter úıi» ǵımaraty, 15-kireberis, Qazaqstan Respýblıkasy Mádenıet jáne sport mınıstrliginiń
Tilderdi damytý jáne qoǵamdyq-saıası jumys komıteti, «Memlekettik til jáne BAQ» respýblıkalyq baıqaýyna.

Baılanys telefondary: 8 [phone], 74-14-97, 74-05-03, 40-83-67. 8702-478-97-03, 8707-423-98-70, 87055079898