Bahreınde seksýaldy quldyqta bolǵan qazaqstandyq qyzdar elge qaıtaryldy - SІM

NUR-SULTAN. QazAqparat – QR Syrtqy ister mınıstrliginiń resmı ókili Aıbek Smadııarov Bahreınde seksýaldy quldyqta bolǵan qazaqstandyq boıjetkenderdiń elge qalaı qaıtarylǵanyn aıtyp berdi, dep habarlaıdy QazAqparat tilshisi.

«Esterińizde bolsa, bir apta buryn Bahreındegi seksýaldy quldyqtan Qazaqstannyń 21 azamatyn bosatyp alǵanymyzdy habarlaǵan edik. Bul jumys Bahreınniń quqyq qorǵaý organdary jáne Saýd Arabııasynyń elshiligimen birge júrgizildi. Qazir ol qyzdar Qazaqstanda. Báriniń jaǵdaıy jaqsy. Búgingi kúni tergeý amaldary júrgizilip jatyr», - dedi Aıbek Smadııarov elordada ótken brıfıng barysynda.

Ol sonymen qatar qylmystyq toptyń quramynda Qazaqstan azamaty bolǵanyn da aıtyp ótti.

«Іstiń mán-jaıyn tolyq aıta almaımyn. Ol iske shetel azamattary ǵana emes, Qazaqstan azamattarynyń da qatysy bar. Olar dál osy ispen aınalysqan iri uıymdasqan qylmystyq top bolǵan. Tergeý aıaqtalyp, qajetti aqparat daıyn bolǵanda mindetti túrde ol týraly habarlaımyz», - dedi Aıbek Smadııarov.