Bahreın Qazaqstandaǵy jaǵdaıdy turaqtandyrý úshin qabyldanǵan sharalardy qoldady

NUR-SULTAN. QazAqparat – Bahreın basshylyǵy qajet bolǵan jaǵdaıda Qazaqstanǵa kómek kórsetýge daıyn. Bul týraly Qazaqstan Respýblıkasy Premer-Mınıstriniń orynbasary – Syrtqy ister mınıstriniń m.a. Muhtar Tileýberdi men Bahreın Koroldiginiń Syrtqy ister mınıstri Abdýllatıf ben Rashıd ál-Zaıanıdiń telefon arqyly áńgimesi barysynda aıtyldy, dep habarlaıdy QazAqparat.

QR Syrtqy ister mınıstrliginen málim etkendeı, telefon arqyly suhbat Bahreın tarapynyń bastamasymen ótti.

«Áńgime barysynda Abdýllatıf ben Rashıd ál-Zaıanı Bahreın basshylyǵy jáne halqy atynan Qazaqstandaǵy jaǵdaıdy turaqtandyrý úshin qabyldanǵan sharalardy qoldaıtynyn atap ótip, qajet bolǵan jaǵdaıda kómek kórsetýge daıyndyǵyn rastady. Sondaı-aq, elde jýyq arada turaqtylyq ornaıtynyna senim bildirdi», - delingen QR SІM habarlamasynda.

Óz kezeginde M.Tileýberdi Qazaqstan basshylyǵy halyqtyń qaýipsizdigin qamtamasyz etýge jáne jaǵdaıdy qalpyna keltirýge baǵyttalǵan is-sharalardy júzege asyryp jatqanyn habarlady.

Taraptar sondaı-aq ekijaqty jáne kópjaqty yntymaqtastyq máselelerin talqylady.