Baǵym, Ańsar, Aslan — 28 jastaǵy kentaýlyq kelinshek úshem bosandy

<p>TÚRKІSTAN. KAZINFORM &mdash; Kentaý qalasyna qarasty Hantaǵy aýylynyń turǵyny Baqytgúl Sattarhan úshemdi dúnıege alyp keldi. Buǵan deıin bir balasy bar Ermahanovtar otbasy birden tórt sábıli boldy.</p>

Úshemderdiń ekeýi ul, bireýi — qyz. Ata-anasy nárestelerge Baǵym, Ańsar, Aslan esimderin qoıǵan. Olardyń budan bólek 2 jasar Asylym atty qyzy bar. 

Foto: Kentaý qalasynyń ákimdigi

Sábıler merziminen buryn, ıaǵnı júktiliktiń 29 aptasynda dúnıege kelgen. Sondyqtan 2 aıǵa jýyq dárigerlerdiń baqylaýynda boldy. Qazirgi tańda balalardyń da jáne ananyń da jaǵdaıy jaqsy.

Kentaý qalasy ákiminiń orynbasary Aqnur Baıbolova úshemderdiń shańyraǵyna baryp, qala ákiminiń quttyqtaýyn jetkizdi. Sondaı-aq, sábılerge arnalǵan syılyqtardy tabys etti.

Foto: Kentaý qalasynyń ákimdigi

Úshemderdiń anasy Baqytgúl Sattarhan 28 jasta bolsa, joldasy Erlan Ermahanov 31 jasta. Búginde jas otbasy kóp balaly bolýdy maqsat etip otyr.

Jalpy jyl basynan beri Kentaý qalasynda 765 sábı dúnıege kelgen. Olardyń ishinde 18-i egiz bar.

Aıta keteıik, budan buryn Túrkistan oblysynda jetinshi úshem dúnıege kelgenin jazǵan bolatynbyz.