Baǵdat Mýsınniń otstavkasy týraly vıtse-mınıstr pikir bildirdi

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Orazbek burynǵy basshysy Baǵdat Mýsınniń otstavkasy týraly pikir bildirdi.</p>

«Keshegi basshyńyz Baǵdat Mýsınniń qyzmetten ketý óz erkimen boldy ma, álde májbúrlep ketirdi me? Mınıstr áleýmettik jelide óz erkimen ketkenin aıtqanymen, oǵan deıin ony ketirgeni týraly jazbalar bolǵan. Otstavkanyń sebebi nede dep oılaısyz?» - dep surady jýrnalıst Senat otyrysynan keıingi brıfıngide.

Vıtse-mınıstr bul týraly naqty aqparatty bilmeıtinin aıtty.

«Mende ol týraly aqparat joq. Ózi sheshim qabyldady. Bizge eshteńe aıtqan joq», - dedi Ashat Orazbek. 

BAQ ókilderi Baǵdat Mýsınniń qandaı basshy bolǵanyn surady.

«Bul aıtarlyqtaı sýbektıvti pikir bolady ǵoı. Bireýge qatal bolǵan shyǵar jáne ondaıdy jaqsy basshy dep qabyldaýy múmkin. Jeke maǵan daýys kóterip aıǵaılap kórgen joq. Aramyzda jumys baby boıynsha óte jaqsy baılanys boldy», - dedi Ashat Orazbek.

Sondaı-aq jýrnalıster Baǵdat Mýsınniń aıaq astynan jumystan ketýine qazaqstandyqtardyń jeke derekteriniń Qytaıǵa berilip ketkeni týraly málimettermen baılanysyn surady. Biraq vıtse-mınıstr ol jaıynda eshteńe bilmeıtinin aıtty.