Baǵdat Mýsın Tele2 jumysyndaǵy irkiliske qatysty túsinik berdi

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Tele2 baılanysynyń nasharlaýyna qatysty pikir bildirdi, dep habarlaıdy QazAqparat tilshisi.

«Jabdyqty jańartý kezinde belgili bir tehnıkalyq aqaý, irkilister bolyp turady. Tele2 mobıldi operatory túnde belgili bir tehnıkalyq jumystar júrgizgen. Tańerteń iske qosqanda belgili bir problemalar anyqtaldy. Bul jabdyqty jańartýmen baılanysty. Jalpy, baılanys ınfraqurylymy jańǵyrtýdy qajet etedi jáne jańǵyrtý kezeńinde mundaı problemalar týyndaýy múmkin. Keshirim suraımyz», - dedi Baǵdat Mýsın Úkimet qabyrǵasynda uıymdastyrylǵan baspasóz máslıhatynda.

Aıta ketsek, búgin tańerteń Tele2 mobıldi operatory baılanysynda irkilis boldy. Qoldanýshylar baılanystyń nasharlyǵyna shaǵymdanǵan bolatyn.

Keıin Tele2 abonentterine baılanystyń nelikten nasharlaǵanyn túsindirdi.