Baǵdat Mýsın Starlink Qazaqstanǵa ınternet usynsa, quny qansha bolatynyn aıtty

<p>Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın <a href="https://www.youtube.com/watch?v=QlkwhdOFseM" target="_blank" rel="noopener">Jibek Joly</a> arnasyna bergen suhbatynda Starlink Qazaqstanǵa ınternet usynsa, quny qansha bolatynyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Men Prezıdentke de, Premer-Mınıstrge de bylaı túsindirdim. Biz jarty jyldyń ishinde ınternet jyldamdyǵy óte tómen 2000 mekteptiń problemasyn sheshý úshin basqa operatorǵa júginýimiz kerek. Óıtkeni ózimizdiń operatorlar ol jerge sym tartqanǵa deıin 2 jyl ótedi. Men eki jyldy kútpeı-aq, jarty jyldyń ishinde sheshýdiń tásilin bilemin. Ol – Starlink-ti Qazaqstanǵa engizý. Sondyqtan Ilon Masktyń Loran Dreıer degen orynbasarymen kezdesip, elge alyp keldim, Digital Bridge forýmyna qatysty. 10 mektepti Starlink arqyly qostyq. Ol óte yńǵaıly, jyldamdyǵy óte joǵary, sapasy da joǵary. Ony Prezıdent myrzaǵa da kórsettik», - deıdi vedomstvo basshysy.

Baǵdat Mýsın Starlink usynatyn ınternettiń quny qansha bolatynyn da aıtty.

«Shyǵynyn salystyrsaq, sekýndyna 4,8 megabıttik ınternetke qazir aqymyz Starlink usynatyn ınternetke tóleıtin aqymen tepe-teń. Al Starlink-tiń jyldamdyǵy keminde 100 megabıt. Qazir 100 megabıttik ınternet qala mektepterinde de joq. Sapasy óte tómen 2000 mektep bar. Osy mektepterdiń máselesin sheshý úshin SpaceX-pen kelisimshartqa otyryp jatyrmyz. Osy 2 myń mektepte Starlink qurylǵylaryn ornatyp, baptaýlaryn jasap, ınternet máselesin jarty jyldyń ishinde sheshemiz», - dedi mınıstr.