Baǵdat Mýsın Máskeýde «Roskosmos» korporatsııanyń bas dırektorymen kezdesti

NUR-SULTAN. QazAqparat - 2020 jylǵy 31 qazanda Máskeý qalasynda Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń «Roskosmos» ǵarysh qyzmeti jónindegi memlekettik korporatsııanyń bas dırektory D. Rogozınmen jumys kezdesýi ótti.

QR Tsıfrlyq damý, ınnovatsııalar jáne aeroǵarysh ónerkásibi mınsıtrliginiń baspasóz qyzmeti taratqan málimetterge qaraǵanda, taraptar ǵarysh salasyndaǵy Qazaqstan men Reseı yntymaqtastyǵynyń ózekti máselelerin, onyń ishinde «Baıqońyr» keshenin odan ári damytý máselesin talqylady. «Báıterek» («Nazarbaev starty»), «Gagarın starty» jobasy boıynsha máseleler talqylandy.

Kezdesý barysynda Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly 2004 jylǵy 22 jeltoqsandaǵy kelisimge, sondaı-aq «Báıterek» BK» AQ men «JǴIOPO» AQ arasynda «Báıterek» ǴZK qurýǵa arnalǵan kelisimshartqa ózgerister men tolyqtyrýlar engizý týraly hattamaǵa qol qoıyldy.

«Báıterek» ǴZK obektisi ekologııalyq qaýipsizdiktiń joǵary deńgeıimen reseılik «Soıýz-5» tasymaldaǵysh zymyranymen jáne onyń yqtımal túrlendirýlerimen ǵarysh apparattaryn ushyrýǵa arnalǵan keshen bolyp tabylady. Bul jobada Reseı tarapy «Soıýz-5» zymyran tasyǵyshyn, tehnıkalyq jáne ushyrý keshenderinde baqylaý-tekserý apparatýrasyn jasaýdy, sondaı-aq údetkish bloktyń, ǵarysh apparatynyń jáne ǵarysh bas bóliginiń tehnıkalyq keshenin jańǵyrtýdy qamtamasyz etedi. Qazaqstan tarapy «Zenıt-M» ǵarysh zymyran kesheniniń jerústi ınfraqurylymy obektilerin qaıta qurý men jańǵyrtýdy júrgizedi.