Baǵdat Mýsın «Qazaqtelekom» qurylymynan mobıldi operatorlardyń birin shyǵarýǵa qatysty pikir bildirdi

<p>Baǵdat Mýsın &laquo;Qazaqtelekom&raquo; qurylymynan mobıldi operatorlardyń birin shyǵarýǵa qatysty pikir bildirdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Salada tolyqqandy naryq jáne naryqtyq jaǵdaı qalyptastyrý úshin «Qazaqtelekom» qurylymynan mobıldi operatorlardyń birin shyǵarý qajettigine qatysty máseleni Májilistiń de. Monopolııadan aryltý jónindegi komıssııanyń da qabyrǵasynda kóterdim. Meniń bilýimshe, «Qazaqtelekomnan» resmı aqparat mynadaı: satyp alý aldyndaǵy tıisti protsedýra júrip jatyr. Kez kelgen ınvestor satyp alardyń aldynda tekserý is-áreketterin júrgizedi. Qazirgi ýaqytta bul protsedýrany eki kompanııa júrgizýde. Tekserýden keıin baǵasyna kelisedi. Baǵasy belgilengennen keıin mámile jasalady», - dedi mınıstr Úkimet otyrysynan keıingi brıfıngte.

Onyń atap ótýinshe, bul protsedýra 1 jyldan 3 jylǵa deıingi merzimdi qamtıdy.

«Degenmen, «Qazaqtelekom» kelesi jyldyń ishinde bul tapsyrmany oryndaýy tıis. Óıtkeni, tapsyrma Premer-Mınıstr deńgeıinde bekitilgen jáne Memleket basshysynyń baqylaýynda tur», - dedi Baǵat Mýsın.

Mınıstrdiń naqtylaýynsha, Kcell de, Tele2 de atalǵan protsedýradan ótip jatyr. Biraq, onyń bireýi boıynsha saýda-sattyq ótedi.