Baǵdat Mýsın ınternet joq aýyldaǵy oqıǵaǵa qatysty pikir bildirdi

NUR-SULTAN. QazAqparat – QR tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın ınterneti joq aýyldarǵa qatysty pikir bildirdi, dep habarlaıdy QazAqparat.

«Keıbir jelilerde ınterneti joq aýyldar men ondaǵy balalardyń shatyrǵa shyǵyp oqıtyny týraly habar tarady. Iá, ınternet máselesin bir kúnde sheship bere almaıtynymyzdy túsinemiz. Bul oqıǵa Eskene aýylynda bolǵan. Ondaǵy turǵyndar sany óte az. Sol aýyldan qashyqtan oqytýǵa qosylǵysy kelgen oqýshy shyn máninde jaqyn mańdaǵy ınternatta oqýy tıis edi. Ol ınternetta qashyqtan oqytý joq, barlyq bala kúndizgi rejımde oqyp jatyr, al birneshe bala odan bas tartqan. Bul aýylda 20 úı ǵana ornalasqan jáne óte alys. Áıteýir aýyl janyndaǵy temirjol stantsııasynan ınternet tartyp jatyrmyz», - dedi mınıstr Ortalyq kommýnıkatsııalar qyzmetinde.

Sonymen birge, mınıstr turǵyndarǵa ınternet sıgnalynyń sapasyn tekseretin «Baılanys bar» veb-saıtyn paıdalanýdy usyndy.