Baǵdat Mýsın ınternet sapasyn qadaǵalaýǵa qosymsha qarjy surady
«Nur-Sultan, Almaty jáne Shymkent qalalarynda radıojıilik spektrlerine taldaý jasaldy. Osynyń negizinde qosymsha antenna-dińgekti qurylystar ornatylýy kerek naqty lokatsııalardy aıqyndadyq. Bul turǵyda jer telimderi naqty kórsetilip otyr. Osy máselege baılanysty jer telimderin bólý men elektr energııasyn tartýda járdemdesý úshin ákimdikterge tıisti tapsyrma berýińizdi suraımyz», - dedi B. Mýsın Premer-Mınıstr Asqar Mamınge qarata aıtqan sózinde.
Osy oraıda ol ákimdiktermen birlese otyryp, antenna-dińgekti nysandardy salatyn jeke ınvestorlardy tabýǵa daıyn ekendigin jetkizdi.
«Bul jumystardyń nátıjesinde baılanys sapasy nashar aýmaqtardyń problemasyn sheshemiz. Mundaı jumystardy barlyq jerde júrgizý kerek», - dedi B. Mýsın.
Sonymen qatar ol sapaly ınternettiń qajetin eskere otyryp, radıojıilik jelisin ólsheıtin jyljymaly kesheni bar avtomobılderdi, sondaı-aq tasymaldanatyn ólsheýish quraldardy alýǵa qosymsha qarjy bólýge qoldaý kórsetýdi surady.
Budan buryn habarlanǵandaı, búgin Úkimet otyrysynda jańa oqý jylyna daıyndyq máselesi qaraldy. Atap aıtqanda, bastaýysh synyp oqýshylary úshin kezekshi synyptar ashylatyn bolady.
Sonymen qatar, jańa oqý jylynda kolledj stýdentteriniń bilim alý tártibin túsindirdi.
Premer-Mınıstr Asqar Mamın ınternettiń sapasy men jyldamdyǵyn qamtamasyz etýdi tapsyrdy.
«Tsıfrlyq damý mınıstrligi ákimdiktermen jáne baılanys operatorlarmen birlesip, bilim berý resýrstarynyń qoljetimdiligi men ornyqtylyǵyn, sondaı-aq eldi mekenderde ınternettiń sapasy men jyldamdyǵyn qamtamasyz etsin», - dedi Úkimet basshysy.