Baǵdat Mýsın halyqqa qyzmet kórsetý ortalyqtaryndaǵy eki máselege nazar aýdardy

NUR-SULTAN. QazAqparat - Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «qupııa satyp alýshy» retinde Nur-Sultan qalasyndaǵy halyqqa qyzmet kórsetý ortalyǵyna bardy, dep habarlaıdy QazAqparat.

Baǵdat Mýsın ondaǵy 2 máselege nazar aýdardy.

«Birinshiden, túbirtekti tóleý barysyndaǵy komıssııanyń qymbat bolýy. Biz tólem júıesin Kaspi-men birge QR-kod arqyly biriktirip bir qadam alǵa jaljydyq. Kelesi qadam - HKO-da «adamı» komıssııalar úshin qyzmet kórsetýge daıyn operator ekinshi deńgeıdegi bankterdiń kelýi úshin konkýrs ótkizý. Qazir bolyp jatqan jaǵdaı - bul naǵyz halyqty tonaý. Aıtalyq 450-den 3 000 teńgege deıin ústemaqy bar. Elimizdiń barlyq óńirlerinde osy máseleni shilde aıynyń sońyna deıin sheshý mindettedim», - dedi mınıstr.

Ekinshiden, aýqymdy mıgratsııa. Olar HKO-ǵa barǵanda kezek paıda bolady. Sol kezde bir ǵana tereze jumys istep turady.

«Biz máseleni sheshý úshin qaı ýaqytta kóp nemese az adam keletinin anyqtaımyz. ІІM-men birlesip máseleni pysyqtaımyz, qazirdiń ózinde vıtse-mınıstrmen habarlasyp, birlesip jumys isteýge kelistik. 8-shi terezede kóshi-qon máselesimen aınalysatyn qyzmetker qabyldaýy kerek, al ol 13:00-den bastap 16:00-ge deıin bolǵan joq! Bul týraly ІІM áriptesterine habarladym. HKO-lar, óz kezeginde, eńbek mıgranttarynyń aýqymdy aǵymyn eskere otyryp, qyzmet kórsetý úshin qosymsha terezeler uıymdastyrýy kerek», - dedi Baǵdat Mýsın.

Mınıstr qazir Memlekettik korporatsııanyń «kadr rezervine» konkýrs ótkizilip jatqanyn eskertti. «Kadr rezervine» iriktelgenderdiń ishinen HKO basshylary tańdalyp alynady.