Baǵdat Mýsın: Elimizden ózge memleketke telefon shalǵanda Qazaqstan degen jazý shyǵyp turady

NUR-SULTAN. QazAqparat – Qazaqstannan ózge memleketke telefon shalǵanda sheteldikterdiń telefonynan Qazaqstan degen jazý shyǵyp turady, dep jazdy búgin QR Tsıfrlyq damý, ınnovatsııalar jáne aeroǵarysh ónerkisibi mınstri Baǵdat Mýsın Facebook paraqshasynda.

«Jaqsy jańalyq! BUU janyndaǵy Halyqaralyq elektr baılanys odaǵy Qazaqstanǵa jańa +997 def kodyn belgiledi.

Endi bizdiń elden basqa memleketke qońyraý shalǵanda, sheteldikterdiń telefonynda Qazaqstan degen jazý shyǵady. Sondaı-aq halyqaralyq deńgeıdegi tsıfrly servısterdi qoldanǵanda da, barlyq jerde Qazaqstan degen sıgnal shyǵady.

Kezinde KSRO taraǵanda, +7 halyqaralyq telefon kody eki elge birdeı bekitilgen bolatyn. Biz Qazaqstanǵa ǵana tıesili halyqaralyq kodqa qol jetkizý úshin byltyrdan beri telekommýnıkatsııa salasyndaǵy kompanııalarmen birge jan-jaqty jumys júrgizip kelemiz. Osy kelissózderdiń nátıjesinde bizdiń elge derbes +997 kody rezervke qoıyldy!

Qazir tıisti qujattar rásimdelip, jańa kodqa kóshý boıynsha is-sharalar atqarylyp jatyr»,-dep jetkizdi qýanyshty jańalyqty mınıstr Baǵdat Mýsın.