Baǵdat Mýsın eGov portalynyń ETsQ-syz tirkeletin nusqasyn tanystyrdy

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın eGov portalynyń elektrondy tsıfrlyq qoltańbasyz tirkeletin nusqasyn tanystyrdy, dep habarlaıdy QazAqparat tilshisi.

«Dostar, men eGov portaly qarapaıym paıdalanýshylar úshin emes, IT mamandarǵa arnalyp jasaldy degen shaǵymdy birneshe ret estidim. Shynynda da, eGov portalyna kirip, Mobıldi azamattar bazasyna tirkelip, sodan keıin ETsQ ornatyp, kompıýterden beıne qońyraý shalý arqyly eki ret qońyraý soǵý tipti ozyq paıdalanýshyǵa da qıyn. Jaqynda ǵana áriptesterim eGov portalyna tirkelý úshin eshqandaı ETsQ-syz, azamattyń tek qana BETІ jetkilikti nusqasyn iske qosty! Bárińizge rahmet. Eger eskertýler men usynystar bolsa, árbirine jaýap berýge daıynmyn», - dep jazǵanFacebook paraqshasynda mınıstr portalǵa kirip, tirkelý jolyn kórsetetin vıdeony bólisti.

Eske sala ketsek, keshe mınıstr eGov mobile-ǵa kirýdiń jańartylǵan ári jeńil túrin kórsetken edi.