Baǵdat Mýsın «Azamattarǵa arnalǵan úkimet» basshysynyń ustalýy týraly qaýesketke pikir bildirdi

ASTANA. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Azamattarǵa arnalǵan úkimet» basshysy Súıenish Ábdildınniń ustalǵany týraly qaýesetke pikir bildirdi, dep habarlaıdy QazAqparat tilshisi.

«Súıenish Ábdildın jumysta. Shyn máninde, Qarjy monıtorıngi agenttiginiń qyzmetkerleri kelip, birneshe suraq qoıdy, basqa da is-sharalar boldy. Biraq qazir bolyp jatqannyń bári –agenttikke qatysty suraqtar, olar bizge aqparat bermeıdi», - dedi ol QR Úkimetiniń kýlýarynda tilshiler suraǵyna.

Mınıstrdiń aıtýynsha, keshe Súıenish Ábdildın jáne basqa basshylar ortaq jınalysqa kelgende mán-jaıdy suraǵan.

«Olar Qarjy monıtorıngi agenttiginiń qyzmetkerleri kelip, belgili bir is-sharalar ótkizgenin aıtty. Endigi suraqtardyń bári Qarjy monıtorıngi agenttigine. Men oǵan (Súıenish Ábdildın – red.) oń sıpattama bere alamyn», - dep qosty ol.

Buǵan deıin Tsıfrlyq damý mınıstrligi Qazaqstannyń telefon kody +77 bolyp ózgerýi múmkin ekenin aıtqan edi.