Baǵdat Mýsın Astanadaǵy ınternet máselesi týraly pikir bildirdi

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın astanalyqtar arasyndaǵy radıofobıa týraly pikir bildirdi, dep habarlaıdy QazAqparat tilshisi.

Úkimet kýlýarynda BAQ ókilderiniń suraǵyna jaýap bergen mınıstr elordalyqtar ınternet sapasyna shaǵym aıtqan aýdandardy óz aıaǵymen aralaǵanyn aıtty. Onyń sózinshe EKSPO aýdanynda ınternet sapasy burynǵydan jaqsarǵan.

«Han Shatyr» aýdanynda eki bazalyq stansa ornatyldy. Jaqsaryp keledi. Biraq biz qosymsha aıyppul jazyp, eki aı ýaqyt berdik. Ákim keshe jıyn ótkizdi. Óıtkeni bizge ákimdikten jer telimi kerek. Ol bul baǵyttaǵy jumysty kúsheıtti. Jert telimderin bóldi, qurylys bastalyp jatyr», - dedi ol Úkimet kýlýarynda.

Sondaı-aq, «Saltanat qaqpasy» aýdanynda radıofobıa problemasy bar. Sondyqtan bazalyq stansalar salý úshin ákimdikten ýchaskeler kerek», - dedi Baǵdat Mýsın.