Baǵdat Mýsın «Ashyq Alańda» kókeıdegi kóptegen suraqqa jaýap berdi - Erlan Saırov

NUR-SULTAN. QazAqparat - Baǵdat Mýsın «Ashyq Alańda» kóptegen suraqqa jaýap berdi. Basynan aıaǵyna deıin muqııat tyńdap shyqtym. Qazaqshasy óte jetik eken, dep jazdy Májilis depýtaty Erlan Saırov búgin Facebook-tegi paraqshasynda.

«Al jalpy, «IT salasyn demokratııalandyramyz. Burynǵy tárizdi tender jasamaı, tikeleı qajetti IT- ónimdi jasaıtyn platforma jasaımyz» dedi Mýsın.

«Al endi, bizdiń otandyq IT tehnologtar sol platformany jetildiredi» dep atap ótti.

Men IT- maman emespin. Qoldanýshy retinde, depýtattyq mártebemdi paıdalanyp, jelidegi qaýymdastyqtyń suraqtaryn Mınıstr myrzaǵa jetkizdim. Mınıstr tushymdy, naqty jaýap beredi dep oılaımyn. Ony da jarııalaımyn. Degenmen, myna áńgime kókeıdegi kóptegen suraqqa jaýap berdi. Qoǵamda qandaıda bir qosymsha suraq bolsa, taǵy qoıa jatarmyz.

Jalpy, IT- tehnologtar ózderi dıskýssııa jasap, bir sheshimge kelýi tıis.

Protsess ashyq, túsinikti bolýy kerek. Mınıstr dıalogqa ashyq ekendigin málimdedi.

Memlekettik múdde máselesin jiti qadaǵalap otyramyz, bul anyq. Kúmán bolsa, ashyq jazamyz.

Bul máseleni ary qaraı baqylaýda ustaımyz»,- dep atap ótken óz jazbasynda Májilis depýtaty.