Baǵdat Mýsın +997 telefon kody týraly: Jyl sońyna deıin jaqsy jańalyq bolady
«+7 kodyn Reseı Federatsııasymen jáne Ońtústik Osetııamen bólisemiz. Qazaqstannyń ózine tıesili kody bolýy kerek degen bastamany men kótergen edim. Bul eshqandaı da geosaıası oqıǵalarmen baılanysty emes, men muny 2020 jyly mınıstrlik basshylyǵyna jańadan kelgenimde kótergenmin», - dedi B. Mýsın Úkimet kýlýarynda tilshilerge bergen suhbatynda.
Mysal retinde mınıstr kólikti jalpy senimhat boıynsha satý máselesin aıtty.
«Buryn biz kólikti jalpy senimhat boıynsha satatynbyz. Bizdiń +7 aımaǵynda bolǵanymyz jóninde qandaı da bir jalpy senimhat bar. Sondyqtan, Halyqaralyq telekommýnıkatsııa odaǵynyń bizge jeke qazaqstandyq kodty berýine bastamashy boldym. Jaqynda taǵy da Halyqaralyq telekommýnıkatsııa odaǵyna bardym, aldaǵy ýaqytta jańalyq jarııalanady. Meniń qandaı da bir aqparatty jarııalaýǵa quqyǵym joq, óıtkeni biz bul jumysty júrgizip jatyrmyz. Bul jumystar aıaqtalǵan boıda Qazaqstandy jaqsy jańalyqtar kútip tur dep oılaımyn. Jyl sońyna deıin sheshim jarııalanady», - dedi Baǵdat Mýsın.
Eske sala ketsek, ótken jylǵy qyrkúıekte mınıstr Qazaqstanda +997-den bastalatyn jańa telefon kody berilgenin habarlaǵan edi.
Foto: t.me/KZgovernment