Baǵdarshamnyń qyzyl túsinde turyp, untaq tárizdi zatty ıiskegen adam ustaldy
10:36, 05 Shilde 2023
ASTANA. QazAqparat – Toyota Camry kóliginiń aldyńǵy oryndyǵynda otyrǵan jas jigit baǵdarshamǵa toqtap, qaǵaz aqshany tútikke domalatyp, murnymen untaq tárizdi zatty ıiskegen, dep habarlaıdy QazAqparat.
JBO kezekshileri bul týraly dereý patrýldik polıtsııanyń jaqyn mańdaǵy ekıpajyna habarlaǵan. ІІM baspasóz qyzmetiniń málimetinshe, tártip saqshylary kólikti Nazarbekov kóshesiniń boıynda 4 mınýt ishinde ustady.
Tekserý barysynda kólikten marıhýana salynǵan qaǵaz býma jáne mefedron salynǵan 2 polıetılen paketi tabyldy.
Qazir QR QK 296-baby boıynsha sotqa deıingi tergeý amaldary júrgizilip jatyr. 24 jastaǵy kúdiktige eshqaıda ketpeý týraly bultartpaý sharasy qoldanyldy.