Baǵdarshamda tórtinshi tús paıda bola ma

<p>ASTANA. KAZINFORM &ndash; Bul jańashyldyq ázirge iske qosylmaıdy. Joldarda júrgizýshisiz kólikter sany artqan kezde ǵana júzege asýy múmkin.</p>

«New Atlas» agenttiginiń habarlaýynsha, Soltústik Karolına memlekettik ýnıversıtetiniń zertteýshiler toby ózdiginen júretin kólikterdiń sany artsa, baǵdarshamǵa tórtinshi tústi qosýdy usynyp otyr. Olardyń kompıýterlik úlgisi boıynsha mundaı baǵdarsham qıylystardan ótýdi jyldamdatyp, kólikterdiń de, jaıaý júrginshilerdiń de qaýipsizdigin arttyrmaq.

Dese de, mundaı júıeni naqty júzege asyrý áli alys. Birinshiden, joldarda júrgizýshisiz kólikter kóp bolýy kerek. Qazir mundaı kólikterge álemniń birneshe elinde ǵana ruqsat etilgen. Ekinshiden, baǵdarshamdardy jaıaý júrginshilerge túsinikti jáne oqýǵa yńǵaıly etip ózgertý qajet.

Ǵalymdar bul tujyrymdamany tek kompıýterlik modelde emes, praktıkalyq túrde tájirıbe jasaýǵa múmkindik beretin fızıkalyq synaq alańyn salýda.