Baǵdarshamda qyzyl janyp turǵanda kólikten shyǵyp bılegen qyz aıyppul tóleıdi

ShYMKENT. QazAqparat - Shymkent polıtseıleri áleýmettik jelilerge monıtorıng jasaý kezinde óreskel quqyq buzýshylyq jasalǵan beınejazbany taýyp aldy, dep habarlaıdy QazAqparat polıtsııaǵa silteme jasap.

Baǵdarshamnyń qyzyl túsi janyp turǵanda bloger qyz qıylysqa toqtaǵan kólikten shyǵyp, bıleı bastaǵan.

«Shoýdy» qyzdyń ózi jáne kólikte qalǵan er adam tikeleı efırde kórsetken.

40 sekýndqa sozylǵan qoıylymdy baǵdarshamnyń jasyl túsi men qozǵalystaǵy kólikterdiń sıgnaly úzdi.

Zań buzýshy olardan qashyp, joldyń shetine qaraı júgirdi.

Patrýl polıtsııa polkiniń ınspektorlary qyzdyń kim ekenin anyqtady. Ol - Qyzylorda oblysynyń turǵyny.

Azamatsha QR ÁQBtK 615-baby boıynsha jaýapkershilikke tartyldy.