Baǵany shekten asyrǵan astana kásipkerleri jaýapqa tartylatyny eskertildi
Nur-Sultan qalasynyń Investıtsııalar jáne kásipkerlikti damytý basqarmasy apta saıyn úı janyndaǵy dúkenderdiń áleýmettik mańyzy bar azyq-túlik taýarlarynyń baǵasyna monıtorıng júrgizedi. Monıtorıng barysynda 1 myńnan astam dúken qamtylyp, nátıjesinde baǵanyń saýda ústemesinen asyp ketýi, kókónis pen sút ónimderin saqtaý talaptarynyń saqtalmaýy anyqtaldy.
«Saýda qyzmetin retteý týraly» Qazaqstan Respýblıkasynyń Zańyna sáıkes kásipker taýarǵa baǵa belgisiniń bolýyn jáne shekti saýda ústemesiniń saqtalýyn qamtamasyz etýge mindetti. Basqarma baǵa belgileriniń bolmaǵany jáne saýda ústemesiniń 15% asyp ketkeni úshin kásipker ákimshilik jaýapkershilikke tartylatynyn habarlaıdy. Sol sııaqty úı janyndaǵy dúkenderdiń ıeleri sanıtarlyq normalardy saqtaýy qajet, onyń ishinde tez buzylatyn ónimderdi saqtaý boıynsha: tońazytqysh kameralardy sóndirmeý, sút ónimderi sektoryn stellajdarmen jabdyqtaý, aýanyń tómen temperatýrasy men ylǵaldylyǵyn baqylaý, sondaı-aq saýda-sattyq kezinde belgili bir jaryq rejımin saqtaý.
Kommýnaldyq tólemderdi únemdeý elorda turǵyndarynyń densaýlyǵyna qaýip tóndiredi», - delingen ákimdik málimetinde.